Literatura

MENDIMINEZ

Azkenaldian badirudi mendira joatea ekintza arriskutsu batean bihurtzen ari dela. Nahi baino gehiagotan entzuten ditugu mendian bizia galdu dutenen pasarteak. Jarraian aurkezten dizuedan liburuak, omenaldi txiki bat eskaintzen die gailurrerako bidean gelditu ziren batzuei Ramon Olasagastik.

* Liburuan klikatuz pasarte bat irakurri ahal izango duzu.

Azken urteotan mendian hil diren hainbat mendizaleren ibilbidea, biografia eta soslaia jasotzen da lan honetan. Mendiminez bizi izan ziren lan honetako protagonistak, mendirako pasioz, mendia zelako euren grina. Heriotzaz gain, batez ere bizitza aurkitu zutelako han. Felix Iñurrategi, Jose Luis Zuloaga Zulu, Manu Badiola, Atxo Apellaniz, Miriam Garcia, Xabier Ormazabal, Antonio Miranda, Mikel Ruiz de Apodaka, Xabier Ansa, Leandro Arbeloa, Gerardo Plaza, Ernesto Fonquernie, Jose Luis Domeño Pepe Rayo, Pumorin zendutako bost gazteak, Antxon Alonso, Xabi Guembe, Ruben Aramendia eta David Larrion. Hauen guztien ibilbidea laburbiltzen da liburuan. Pasioz bizitako bizitzak.

Albiste bitxiak

TXERRI KIROLAK

Txerrientzako kirol txapelketak modan daude Errusian. Mota guztietako txapelketak daude, baina

Txerrien Olinpiar Jokoak dira ospetsuenak; urtero antolatzen dituzte. Zazpi herrialdetako txerrikumeak hiru kiroletan lehiatu behar dira: lasterketa, igeriketa eta txerri-futbola. Errusiako Txerrientzako Kirol Federazioaren ordezkari batek esan duenez, “Olinpiar Jokoetan lehiatutako txerrikumeek txerri kirolari belaunaldi bat sortuko dute, eta gainera, ez ditu inork jango.

Albiste arraro gehiagori buruz gehiago jakin nahi baduzu, klikatu hemen:

Azken finean informazioa izaten jarraitzen dute eta beraz, onargarriak dira mota honetako albisteak.

Bidaiatzen

New Yorkeko Harlem auzoa izugarri aldatzen ari da. Duela urte gutxi, zuri aberatsei ez zitzaien burutik ere pasatzen beltz pobreen auzotik paseoan ibiltzea. Azkenaldian, ordea, modan dago; bertako komunikabideek Hrlem oso "cool-a" dela diote eta dirudunak bertako musika areto eta dendetara urbiltzen dira. Aldaketaren ikurra Harlem Park izango da, kristalezko dorrea eraikitzen ari dira; eraikinak 135 metro, 34 solairu eta spa gune bat izango ditu, baina merkataritza gune eta jatetxeak ez dira faltako. Garai batean, Malcom Xen auzoa izan zen; Bill Clintonena da orain.

New York barnetik ezagutu nahi baldin baduzue, bere kale guztietako xehetasun guztiak ikusiz, jarraian proposatzen dizuedan aukerak plana borobiltzen lagunduko dizuete. Gray Line New York Tours enpresak hiria ezagutzeko autobusak eskaintzen ditu. Hauek nola ez New York-eko txoko interesgarri guztiak arakatzen dituzte. Baina benetan New York-eko zine izar bat bezala sentitu nahi baldin baduzu, limusinak eta luxuzko kotzeen zerbitzuak ere eskaintzen dituzte.


*klikatu argazkian informazio gehiago lortzeko

Musika

ZAHARRAK BERRI

The Beatles taldearen Sgt. Peper's Lonely Hearts Club Band disko ezagunak 40 urte beteko ditu datorren hilabetean. Hori dela eta, gaur egungo zenbait taldek disko horretako kanten bertsioak grabatuko dituzte, besteak beste, Oasis, James Morrison, The Fratellis, Travis eta Razorlight taldeek. Baina beraien berri ematen dizuet, azkena aipatu dudan taldeak arreta berezia merezi duelako. Jarraian iada ezaguna zaizuen Youtube orrialdean beraiek kontzertu batean eskainitako abesti bat ikusteko aukera ematen zaizue. Frogatuko duzue talde berezia direla eta betiko musika erritmoek gaur egun ere arraksta dutela. Abestiaren izena America da eta berari eskainita dago baina atera ditzala bakoiztak kontuak.

Festak

HASI DADILA FESTA!

Gaur hasiko dira Loinatz jaiak eta bost egunetan zehar festan murgilduko dira beasaindarrak; hurrengo asteburuan ere jarraituko dute egitarauko ekitaldiek.
Mariren jaitsierak emango die hasiera ofizialki herriko jaiei. Murumendiko kobazuloa utzi eta 22:30ean iritsiko da Mari herriko plazara. Sutan erreko dute aurten ere, baina akelarrearen ondoren hitz batzuk esatera agertuko da udaletxeko balkoira. Akelarre gaua balitz bezala, orduantxe murgilduko dira beasaindarrak Loinatz jaietan. Musika kontzertuak, haurrentzat ikuskizunak, lehiaketak... denetariko programa osatu dute Jai Batzordean. Bihar, esaterako, danbor doinuek hartuko dituzte herriko kaleak. Eguerdian gaztetxoek jardungo dute eta gauean helduen txanda izango da. Igandean dantza izango da eguneko izarretako bat. Gaualdean, berriz, su festak kolorea jarriko die jaiei. Ohiturari jarraituz, lagun taldeen eguna astelehena izango da eta asteartean egingo da urteroko azoka berezia.
Txosna guneko egitaraua
Udalak prestatutako egitarauaz gain, bada besterik. Txosna batzordeak ere bere ekintzak prestatu ditu Loinatz jaietarako. Gaur, 20:00etan, irekiko dituzte txosnak ikurrinaren igoerarekin. Gauean, berriz, 22:00etan hasita, Aluaren Algara, Nuke eta Residuos Sistematikos taldeek jarriko dute musika.
Bihar ere musika eskaintza izango da txosna gunean. Gauerdian DJ Bullen saioa izango da eta ondoren irrintzi lehiaketa. Koadrilen egunean lagun arteko olinpiadak egingo dituzte aurten ere. Datozen egunetarako ekitaldiak dira horiek, baina hurrengo asteburuan ere izango da gehiago.

musika

* klikatu argazkian eta ikusi bideoa

THE WHO: MUTILAK SASOIAN DAUDE ORAINDIK

The who Ingalaterrako banda mitikoak barakaldoko Bec-en joko du hilaren 19an. Laukote klasikoa 60ko eta 70ko hamarkadetako rockak emandako onenetarikoa da. The rolling stones eta the beatles taldeekin batera lortu zuen arrakasta, nahiz eta aurrekoak biak bezain ospetsua ez izan.

The Who taldeak gaur egun ere eragina izaten jarraitzen du artean eta baita arlo bereko hainbat taldetan. Eragina izugarrizkoa da, eta pop kulturak eta punkak ereferentziatzat izan dituzte My generation, I can’t explain eta The kids bezalako abestiak.

The who gurera dator oraingo honetan, baina jatorrizko bi kide soilik igoko dira taula gainera: Roger Daltrey abeslaria eta Pete Townshed gitarra jotzailea. Hala eta guztiz ere azken aldian aditzera eman dute taldeak beti bezain indartsu diharduela eta hasierako izpiritua bizirik daukatela.

Bitxikeria gisa aipatzekoa da, CSI telesail amerikarrean Townshed-ek jartzen dituela gitarra hotsak, beraz era guztietako entzuleak bereganatzen dituzte garaikoetatik hasi eta gaur arte.

Besterik gabe, edozein musikarik, bandak zein artistak aldarrikatzen duen kuadrilla dugu The Who.

5127 lagun joan ziren, 2000tik 2006ra bitartean, Arabako nekazaritza giroko herrietara bizitzera. Datuak harrituta utzi nau baina ala eta guztiz ere pozgarria da Sustraia aldizkariak aditzera eman duen datua. horrek esan nahi du herri horietako populazioa %16an egin duela gora dulea sei urtetan; Arabako gainerako herrietan, populazioa %4 besterik ez da hazi. Antzeko joera omen dago Euskal Herriko beste toki batzuetan ere. Guzti honekin ondoriozta dezakegu nekazal turismo etxeak ere bisitariz lepo egoten direla urtean zehar dauden oporraldietan beraz emen doakizue proposamen ezin hobea:

Maribel baserria

01439 Aprikano (Araba) Tel.: 945 362 818

XV. mendeko postetxea, Baia ibaiaren ertzean. Etxetzarrak birentzako 5 gela ditu, komunarekin, telebistarekin eta ile lehorgailuarekin. Gosariak, bazkariak eta afariak, hango plater tipikoekin eta etxeko gozogintzarekin. Likoreak eta infusioak egiten dituzte, establezimenduko lorategi botanikoko landareekin. Minigolf eta cricket zelaiak.

Bi pertsonentzako gelen prezioa: 55€.Gosaria: 4,00 €. Afaria edo bazkaria:22,47€.

Bertsolaritza

'Atera!' jaialdia antolatu dute, inprobisazioa ardatz hartuta

Goierriko Bertso Eskolaren 25. urteurrenaren harira ekitaldi ugari izango da. Inprobisazioa izango da Atera! jaialdiaren zutabea. Hiru hilabetetan zehar, uztailera bitartean, ekimen ugariren bitartez kalera aterako dituzte hainbat espresiobide: bertsolaritza, antzerkia, musika...

Atera! jaialdia atzo aurkeztu zuten Beasaingo Igartza jauregian. Aurkezpenean izan ziren Aitor Sarriegi bertsolaria eta Goierriko Bertso Eskolako irakaslea, Jon Aldanondo Goierri Telebistako zuzendaria, Iñaki Apalategi bertsolaria, Igor Eguren kazetaria eta Aitor Calvillo Goierriko Bertso Eskolaren ordezkaria. Apalategi antolatzaileak jaialdiari buruz azaldu zuenez, «betiko eskemetatik» atera nahi izan dute jaialdia. «Inprobisazioa sozializatzea da helburua. Jendeak barruan duena ateratzea nahi dugu; hortik izena: jendeak lotsa galtzea eta barruan zer duen erakustea nahi dugu». Emanaldi guztiak dohainik izango direla nabarmendu du Apalategik, eta «erronka handia» izan dela nabarmendu. Atera! jaialdiaren baitan askotariko ekimenak izango dira. Horien artean bertsozaleen herri arteko txapelketa jokatuko da. Telebistan, berriz, umeentzat beste lehiaketa bat izango da. Goierri Telebistak emango du lehiaketa eta Iñaki Apalategi eta Aitor Furundarena izango ditu aurkezle, ahozkotasuna eta inprobisazioa landuko dituen saioan. Lehiaketa dibertigarria egitea dela helburua azaldu dute. Hamabi urteko 16 umek parte hartuko dute; asteazkenetan emango dute telebistan. Finala Beasaingo Usurbe Antzokian izango da ekainaren 23an. Irailerako, bestalde, Igor Eguren liburua ari da prestatzen Goierriko Bertso Eskolaren inguruan, eta uda ondorenerako bukatuta izango duela adierazi du bertsolari eta kazetariak. Liburuak bertso eskolaren 25 urteotako errepasoa egingo du elkarrizketei tarte berezia eskainiz, eta Goierriko Bertso Eskolatik pasatu diren bertsolarien ezaugarriak nabarmenduz. Atzoko aurkezpenean parte hartu zuten bertsolariek eta bertsozaleek goierritar denak gonbidatu zituzten datozen hilabeteetarako prestatu dituzten emanaldietan parte hartzera, bakoitzak egitarauan bere gustuko zerbait aurkituko duelakoan.

erakusketak

Beasaingo Txindoki-Alkartasuna institutuko ikasleen lanak ikusgai daude

Gaur, 19:00etan, irekiko dute Batxiler Artistikoko ikasleen lanen erakusketa Usurbe Antzokiko erakusketa aretoak beste erakusketa bati irekiko dizkio ateak gaur. Txindoki-Alkartasuna institutuko ikasleek eginiko lanak bildu eta aretoko paretetan jarri dituzte zintzilikatuta. Batxiler Artistikoko ikasleen lanak dira, zehazki, eta gaur arratsaldeko zazpietan izango da inaugurazio ekitaldi ofiziala. Ondoren, maiatzaren 6ra arte egongo da irekita.

Ikasturtean zehar ikasketa adar hori aukeratu dutenek lan ugari egin dituzte irakasgai desberdinetan, eta artelan horietan oinarrituta prestatu dute erakusketa. Erabilitako teknikak ere anitzak dira. «Grafitoa, pastela, tinta txinarra eta argizaria erabili dute lanak egiteko. Irudiek duten bolumena eta diseinua ere desberdinak dira euren artean. Hiru dimentsiotan landu dituzte batzuk. Beste batzuk, aldiz, kartelak edota eguberritako txartelak jarriko dituzte ikusgai», azaldu du Babel Uria irakasleak. Horrelako erakusketa antolatzeak lan luzea du atzetik. «Lan bat egin aurretik aurreproiektua eskatzen zaie ikasleei. Pintura, diseinua eta bolumenaren kasuan zirriborroak. Ondoren, teknikak garatzen hasi aurretik, material berriarekin frogak egiten dituzte». Urtero antolatzen dute Beasaingo institutu horretako ikasleek erakusketaren bat, eta aurten ere ez dute hutsik egin nahi izan. Ni ere beasaingo institutu horretan ikasitakoa nahizenez, ohore bat da nire ondorengoen lanak goemendatzea.Beraz, bertara urbildu besterik ez daukazue arte gazteaz gozatzeko

Arrosaren lurrina eta oroimena

Usainek memoria pizteko eta oroitzapenak azaleratzeko ahalmena dute. Bestalde, loaldian gertatzen diren hainbat prozesu ezinbestekoak dira oroitzapenak iltzatzeko. Zientzialariek ez dute guztiz ezagutzen ez usaimenak ez loak oroimenean duten eragina, baina arlo horretan lan egiten duten neurologo alemaniar batzuek ikerketa interesgarri bat argitaratu dute: ikasten eta lotan ari zirela arrosaren lurrina zabalduta, hainbat boluntarioren oroimena hobetzea lortu dute.

Science zientzia-aldizkari ospetsuan plazaratu dute ikerketa, eta edonorentzat interesgarria izanagatik, ziur aski are interesgarriagoa izango da ikasleentzat. Hain justu, medikuntza-ikasleekin egin dute esperimentua neurologoek. Ikasleei memoria-joko bat eginarazi zieten ordenagailuan: pantailan agertzen ziren karten kokapena gogoratu behar zuten.
Ariketa egiten zuten bitartean, ikasleei arrosaren lurrina helarazi zieten, horretarako jantzita zuten maskararen bidez. Garuna inguruko usainetara laster egokitzen denez eta berehala ohartzeari uzten dionez, lurrina ufaka iristen zitzaien.
Ariketa egin eta ordu erdi geroago, ikasleak lotara joan ziren. Loaren fase jakin batean, ikasleen erdiei arrosaren lurrina eman zieten usaintzeko. Besteek usain berezirik gabe egin zuten lo. Hurrengo egunean kartak non zeuden galdetu zieten, eta amets lurrintsuak izan zituztenek kokapenen % 97 gogoratzen zituzten. Arrosa-usainik gabeko gaua igaro zutenek, aldiz, kokapenen % 86 asmatu zituzten.Aldea nabarmena da, eta horrekin frogatu zuten usain batek, kasu honetan arrosa-lurrinak, memoria sendotzeko balio duela. Baina hori ez zen nahikoa; horren atzean dagoen mekanismoa ezagutu nahi zuten ikertzaileek.

liburuak

BEGIRADA BAT KUBARI

Kubak sentimendu asko eragiten du (aldeko nahiz kontrako), eta galdera ugari ere bai. Fidel Castro, Kuba urte askoan gidatu duen komandante iraultzailea, azkenekotan da, eta horrek are eta galdera gehiago eragiten dizkigu. Zer gertatuko da Fidel hiltzen denean? Trantsizioa etorriko al da? Edo jarraipena? Iñaki Petxarroman kazetaria Kubara joan, eta hango jendeari (aldeko nahiz kontrako) galdezka hasi da, uharteko egoeraren piezak osatu nahian, Kubako egoera zein den ezagutu nahian. Liburu hau ahalegin horren fruitu da, beraz gehiago jakin nahi baduzu klikatu hemen.

Musika

FERMIN MUGURUZA ETA AFRO-BASQUE FIRE BRIGADE-REN TALKA TOUR ABIAN DA

Fermin Muguruzaren zuzeneko egitasmo berria martxan da: Talka Tour 2007. Bira zabala eginen du Irungo musikariak Amerikara ere saltoa emanez. Apirilean hiru kontzertu emanen ditu Euskal Herrian: Durangon, Donibane Garazin eta Atarrabian

Afro-Basque Fire Brigade talde berria osatu eta Talka Tour 2007 izeneko bira abiatu du dagoeneko Fermin Muguruzak. Bira zabala eginen du Irungo musikariak eta Europan nahiz Amerikan arituko da. Bira honetarako, Ferminek betiko laguntzaileak izango ditu:

Mikel Abrego (bateria)

Sorkun (ahotsak)

DZ (platerak)

Xabi Solano (trikitixa)

Oskar Benas (gitarra)

Jon Elizalde (tronboia)

Fino (saxua)

Lonbi (tronpeta). Beste alde batetik errefortzu berriak izango ditu: Kubatik Víctor Navarrete (baxua) eta Leo Rodríguez (perkusioak); Jamaikatik Franklin ‘Bubbler’ Waul (teklatuak), Black Uhuru talde mitikoan aritutakoa; eta Stephanie Wallace (ahotsak), Anthony B-ren “backing vocal”, besteak beste.

Beraz, hamahiru musikari arituko dira zuzenean Talka Tourrean, musikaren munduan 25 urte beteko dituen Muguruzaren ibilbide oparoa birpasatzen.

APIRILA18 (asteazkena): PARIS: New Morning

20 (ostirala): DURANGO: Plateruena

21 (larunbata): DONIBANE GARAZI: Polikiroldegia.

26 (osteguna): BARTZELONA: Razzmatazz

28 (larunbata): GIRONA: La Mirona / Black Music Festival

29 (igandea): VIÑA ROCK Festival

30 (astelena): ATARRABIA-IRUÑEA: Totem

MAIATZA16 (asteazkena): TIJUANA: Multikulti

18 (ostirala): MEXICO D.F.: Festival Ollin kan de las Culturas en Resistencia

19 (larunbata): MEXICO D.F.: Festival Ollin kan de las Culturas en Resistencia

20 (igandea): MEXICO D.F.: Zócalo

23 (asteazkena): CARACAS: Plaza Los Museos

25 (ostirala): LA HABANA: Festival de la canción necesaria

26 (larunbata): LA HABANA: Tribuna Anti-imperialista

Moda

FRANKLIN AND MARSHALL

Franklin and Marsahall-ek aurtengo kanpainarako kolekzio berria sortu du izen ematen dion Estatu Btuetako unibertsitateko ikasleetan oinarrituta. 6.urteren ostean Euskal Herrian barneratzen da bertako moda dendarik hoberenetan. Gazte bazara edo gazte sentitu eta moda kontutan azkenean egotea egotea atsegin baduzu, badakizu : www.franklinandmarshall.com

Teknologia

BTEK, Euskadiko Teknologiaren lehenengo interpretazio zentroa aurkeztu dute gaur goizean

Euskadiko Teknologiaren lehenengo interpretazio-zentroa izango da BTEK, eta gaur goizean aurkeztu dute Bilbon. Teknologiaren interpretazio-zentro honek Bizkaiko Parke Teknologian irekiko ditu ateak 2008ko azken hiruhilekoan, eraikitzen ari diren 602 eraikinean, hain zuzen, eta Euskal Herriko horrelako lehenengo zentroa izateaz gain, estatuko lehenengoa ere bada.

BTEKen helburua da kultura teknologikoa eta berritzailea gazteen artean sustatzea. Horrenbestez, abangoardiako eraikin hori erakusketa iraunkor bat izateaz gain, erakusketa tenporalak eta tailerrak antolatuko ditu ikasleentzat. Ateak irekitzen dituen lehenengo urtean 3.000 bisita inguru izatea espero da.
Erakusketa iraunkorrak gaur egun sendotuta dagoen teknologia hartuko du gaitzat, eta hiru eremu izango ditu: Internet, etxea eta garraioak. Interneteko guneari dagokionez, bisitariek, esate baterako, sistema elektronikoak, teknologia digitala, sarearen funtzionamendua, GPS eta hori bezalako sistemak... ezagutzeko aukera izango dute. Etxeko eremuan, aldiz, besteak beste, gai hauek landuko dira: energia nola aurreztu, ingurumen adimenduna, jasangarritasuna, biozientziak, eguzki-energia eta hidrogenoa energi-iturri gisa. Azkenik, garraioaren gunean, aerodinamika, elektronika, materialak eta mekanika landuko dira, besteak beste.Proiektu honen fundatzaileak Bizkaiko Teknologia Parkea, Elhuyar Fundazioa eta Euskal Herriko Ikastolen Konfederazioa dira, eta orain dela gutxi horiei Euskal Herriko Unibertsitatea eta Tecnalia eta IK4 korporazio teknologikoak elkartu zaizkie. Bestalde, proiektua aurrera eramateko, honako erakunde hauen babesa dute: Eusko Jaurlaritzako Hezkuntza eta Industria, Merkataritza eta Turismo Sailak, Bizkaiko Foru Aldundia eta Espainiako Hezkuntza eta Zientzia Ministerioa.

GAZTETXULO HILABETEKARIA, GAZTEZULO BIHURTU DA
Sei urte pasatxoko ibilbidearen ondoren, goitik behera berrituta datorkigu GAZTETXULO aldizkaria. Kanpotik eta barrutik eraberrituta, izena eta izana aldatuta, etapa berri bati ekin dio gazteei zuzendutako euskarazko hilabetekariak. Gaztetxulo GAZTEZULO bihurtuko da, gazte guztien zuloa izan nahian
Orain arte bezala, era guztietako edukiak eskainiko ditu GAZTEZULOk, baina berebiziko ahalegina egingo du, molde eta joera berriak gure egiteko. *Gehiago jakiteko
Zerbitzuei eta teknologia berriei are tarte zabalagoa eskainiz.
Kulturari garrantzi gehiago emanez.
Euskal Herriari eta nazioarteari zorrotz begiratuz.
Lotsagabe, zirikatzaile eta umoretsu arituz, baina, konprometituz.
Azken korronte eta joeren berri emanez.
Irakurleen proposamenei eta partehartzeari ateak parez pare zabalduz.
Diseinua goitik behera eraberrituz.
Orrialde gehiago eskainiz: jada 80 orrialde ditu, koloretan.
Prezio merkean: 14 euro baino ez urtean, 11 zenbakiren truke.
Aldizkariak oinarri sendoak ditu: 10.400 aleko tirada, 6.700 harpidedun, 1.200 saltokitan salgai...
Hori guztia lortu du GAZTEZULOk, eta gazteek gogoko dute. GAZTEZULOk aspaldi ekin zion bere bide propioari, Irutxuloren itzaletan egoteari utzita. Sei urte pasatuta, izenez ere Irutxuloren alaba izateari utzi dio. Maiatzaren 1ean www.gaztezulo.com webgunean martxan jarriko da, webgune indartsu eta berritzailea izango da.

Diseinua eta komunikazioa

Botika 2002. urtean Donostian jaiotako multimedia elkartea da.
Komunikazioa
Talde honen helburu nagusia edonork egindako edozer gauza promozionatu edo ezagutaraztea da. Honetarako lehenik eta behin, eta bezeroaren betebeharren arabera, komunikabide eta modu egokienak aukeratzen dituzte.
Multimedia
Erabili daitezkeen komunikabideak amaigabeak diren arren, botikak gehien erabiltzen dituenak webgunea eta cd/dvd-a dira, baina beste medio askotan ere arituak gara: bideoa, arropa, aldizkaria... multimedia.
Zerbait promozionatzeko garaian, erabiltzen den irudia erabakigarria denez, diseinu grafikoa (nortasun irudien sortze-lana)beraien lanaren alderdi garrantzitsu bat da.

Menu bereziak

ENSALADAS, ASADAS Y GUISADAS
o VERDURAS TOSATADAS CON VINAGRETA BALSÁMICA
A LA CANELA
o PASTA-GULAS-PATATA AL ACEITE DE ALBAHACA Y AJO FRITO

o ESPINACA ROJA, VERDE, CEBOLLA Y QUESO FRITA
AL ACEITE DE SÉSAMO
o LUMAGORRI-TERIYAKO CON LECHUGAS Y AGUACATE
EUSKAL-JAPO STYLE
o TEMPLADO DE HORTALIZAS CON TXITXARRO ESCABECHADO

o JUDIONES CON CALABAZA Y MUSLITO LACADO DE PALOMA
PIPARRAK NAHI?


MENU BENETAN XELEBREA, JARRAIAN AURKEZTEN DIZUEDANA. GARAI HAUETAN EMATEN DU BETIKO JAKIAK JANEZ GERO EZ ZAUDELA EGUNERATUTA. BERAZ, GURE AHORA ERAMANGO DITUGUN JAKI ARRAROEN AITZINDARIAK JATETXE HONETAN BILATUKO DITUGU. A FUEGO NEGRO DONOSTIAN DAGO “31 DE AGOSTO KALEAN”, BERTARA URBILDU EZEAN WEB GUNEA BISITATU DEZAKEZUE.

XIBIOUZ

"DIRENIK EZ DA SINISTU BEHAR, EZ DIRELA EZ DA ESAN BEHAR..."

Euskal Herriko amatxi xahar batek hori erantzuten zuen, bere bizian sorginak ikusi zituenez galdegiten zaiolarik.Pirineotako xoko ttipi baten HISTORIO eta mitologiatik abiatu zen ideia.." Atera hadi hire zulotik, sorgin, hainbeste igurikatu eguna hurbiltzen arida ! "
Herri miresgarri hunen nortasuna, indara, giroa, bai eta ere margoak nahi ezan ditu nabarmendu Xibiouz sorginak, modaren bitartez.
Horrela bere ikuspegia surkezten dautzu. Egiazko sorgin lan bat egin du : tindua, marrazkia, broderia eta zerrendagrafia nahasi ditu bere tupinan larraseko (kamiseta) kolekzione berri baten osotzeko.
Xibiouzen kamisetak jantzi wemple bat baino gehiago dira, eta baitezpadakoak bilakatzen dira.Zato Xibiouz sorginaren moda boretzeta berrien ezagutzera eta jastatzera bere formula liluragarriak sorginduko zaituzte.

BITXIKERIAK

Aspertutako egunetan inguratzen gaituen sare honetan arakatze labur bat egin ostean gauza bitxiak bila ditzakegu. Mota guztietako jendea dagoenez eta tresna hau edozertarako erabiltzen dutenez, ona hemen hori frogatzen duen idatzi bat.

HORRA LIGATZEKO HAMAR AGINDUAK...
1. Zaren bezalakoa Izan
Edonor izan daiteke Naomi Campbell edo George Clooney bezalakoa. Zergatik ez? Denok dugu ezaugarri erakargarriren bat edo beste. Kontua da horri ahalik eta etekin handiena ateratzea. Eta noski, ezaugarri hori agerian uzteko, garen bezalakoak izatea baino ez dago. Humpry Bogart edo Marilyn Monroerena egiten ahaleginduz gero, hanka sartu eta lotsagarri geratzeko arriskua izango duzu.
2. Janzkera zaindu
Gurasoek hamaika alditan esan dizute hau, baita lagunek ere, arrazoi ezberdinengatik ziur asko: "eskalea ematen duzu", "ez duzu moda jarraitzen"... Egia da janzkera zaindu behar dela, baina garrantzitsuena nork bere estiloa izatea eta besteen janzkerak errepikatzen ez saiatzea da. Hori bai, jantzi edo osagarri berezi edo deigarriren bat eramanez gero, errazagoa da jendearen arreta bereganatzea. Eta ez ahaztu udan "haragi" pixka bat erakusteak arrakasta izaten duela.
3. Argi ibili zurrutarekin
Onena gorputzetik ateratzen den sentimentu jarioari ateak zabalik uztea da. Hala ere, jende askori, mutilei batez ere, kosta egiten zaie, eta lotsa edo beldurra gainditzeko, batzuek alkoholaren laguntza bilatzen dute. Neurrian hartuta lagungarri izan daitekeen arren, sekulako atxurra harrapatuz gero, ligatze saioa hondatu dezake, bai egun horretan, baita gerora begira ere. Egia esan, ez da oso erromantikoa mutil edo neska bati hurbiltzea eta euskaratik baino arameotik gertuago dagoen esaldiren bat esatea: "nholaj tuuizhu izeññapp?".
4. Begiradaren garrantzia
Begirada ohi baino gehiago luzatzeak eta are gehiago, irribarre batekin laguntzeak, aurrean duzun mutila edo neska gustukoa duzula esan nahi du normalean. Segidan begirada laburtxoak egitea ere gauza bera. Kontuz ibili behar da, ordea, jende askori ez baitzaio batere gustatzen besteek sagardotegiko txuletoia bailitzan begiratzea.
5. Hurbil zaitez, baina inor estutu gabe
Zenbaitek gustuko neska edo mutila hormaren kontra jartzeko ohitura dute, ihes egiteko asmoa izango balu bezala. Beraz, hurbiltzen garenean, poliki-poliki joan behar da eta hizketan ari garela, tarte bat utzi bien artean. Ohiturak aldatu egiten dira kultura batetik bestera, baina hala ere, psikologo batzuek diotenez, 60 zentimetroko tartea utzi behar da. Zertagik ez 50? Hori psikologoei galdetu beharko diezu
6. Elkarrizketari eutsi
Isiluneak, asperraldiak, galarazita daude. Honetan bi arrisku daude. Batetik, hitza norberarena dela sinestea eta solaskidea entzule hutsa bihurtzea. Protagonismoa izatea ez dago gaizki, baina besteei ere berba egiten utzi behar zaie. Beste muturra ere ez da batere ona, hau da, isilik geratzea, zer esan jakin gabe. Aurretik, hizketarako gai batzuk pentsa daitezke, baina ezin da inola ere elkarrizketaren uneri goxoenean gai zerrenda patrikatik atera!
7. Entzuten ere jakin behar da
Batzuek aurrez ondoegi prestatzen dute esan beharrekoa eta gogoko mutila edo neska topatzen dutenean, bota egiten dute, solaskideak dioenari kasurik ere egin gabe. Elkarrizketa benetan surrealistak gertatzen dira honelakoetan, ez hanka ez bururik ez dutenak! Beraz, aurrez pentsatutakoa erabat ahaztu gabe, komenigarria da noizean behin entzuten ari garela adieraztea: "arrazoi duzu", "egia da", "ondo iruditzen zait"... Ikusten duzunez, baiezkoa hobetsi behar da: lehendabiziko harremanean ezbaian hasiz gero...
8. Ez ezazu ez ozenegi, ez baxuegi berba egin
Mutiletan edo nesketan ari garenean, ez da San Mamesen edo ileapaindegian bezala hitz egin behar. Film pornoetako izarren hizkera errepikatzea ere ez da oso gomendagarria. Goxotasuna bilatu behar da. Zenbait ikerlarik diotenez, bat bateko keinuez lagunduta eta tonu normal batean, ez ozenegi ez baxuegi, hitz egiten duten neska-mutilak erakargarriagoak izaten dira jendearentzat.
9. Denoi gustatzen zaizkigu laudorioak
Zertaz hitz egin? Hauxe ez da kontu erraza. Gustatzen zaigun neskak edo mutilak zein zaletasun dituen jakingo bagenu! Beharbada, horren berri izan dezakezu bere lagun edo ezagunen bidez. Eta koadrila guztietan dago lan hori pozez txoratzen egiten duenik! Dena den, eztabaidak edo ezulertuak saihestu behar dira. Garrantzitsuena solaskideak gustatzen zaigula atzematea da. Galderak egin behar dira: nor den, non bizi den... eta nola duen izena, jakina. Eta gauza goxoak esan, baina pasa gabe; ez da gozoegia izan behar. Begi politak dituela nabarmentzeaz gain, dioena ere interesgarria dela esan diezaiokezu. Zu ez baitzara berarekin ederra delako soilik maiteminduko, ala?
10. Hurrengo zita lotu
Auskalo nola amaituko den gaua. Dena den, beharbada hurrengo batean elkar ikusi nahiko duzue. Horrexegatik, zita lotu behar da edo gutxienez, telefonoa eskatu. Eta telefonoaren harira, mesedez, nesketan edo mutiletan egiteko bide luze honetan ez ezazue une gozorik pikutara bidali sega-poto madarikatuekin! Itzal itzazue!


Gehiago jakin nahi baduzue kuxkuxeatu HEMEN

Zientzia

DOLLY, KLONAZIOAREN IKURRAK HAMAR URTE BETE DITU

Hamar urte dira Dolly arkumea gizarteari aurkeztu ziotela. Lehenengo aldia zen ugaztun heldu bat arrakastaz klonatzen zutena; eta ikaragarrizko oihartzuna izan zuen; ez bakarrik adituen artean, kaleko jendearen artean ere ahoz aho ibili zen. Izan ere, ardia bezala gizakia bera ere klonatzea posible zela uste zuten. Baina zilegi al zen giza klonazioa? Hamarkada baten ondoren oraindik erantzunik gabe jarraitzen dugu, baina,eztabaida etikoa beste bide batetik doa orain.

Atzera begira jarrita, Dolly 1996ko uztailean jaio zen Eskoziako Roslin Institutuan, baina 1997ko otsailaren 27ra arte ez zuten eman haren berri: Nature aldizkarian argitaratu zuten albistea, eta azalean Dolly arkumearen irudia agertu zen. Berri hark sortu zuen zalaparta izugarrizkoaizan zen. Izan ere, ugaztun heldu baten zeluletatik abiatuta klonazioa arrakastaz burutzen zen lehenengo aldia zen. Horrela jarraituz gero giza klonazioa egun batetik bestera lor zitekeela pentsatu zuten askok, eta, horren kezkaz, aurkako legeak idatzi zituzten herrialde gehienek.
Hamar urte geroago, oraindik ez dute lortu gizakia klonatzerik. Ahaleginak izan dira, eta duela gutxi giza enbrioia klonatzea lortu zutela esan zuten, baina garatzen utzi gabe. Hala ere, hedabideetan istiluak izan dira kontu horrekin; izan ere, batek baino gehiagok aldarrikatu du gizakia klonatu izana. Raeldarren sektak hala egin zuen; eta sonatua izan zen baita ere Hwang Woo-Suk korearraren kasua ere.
Hwang Woo-Suk ospe handiko ikertzailea zen. Besteak beste txakur bat klonatzea lortu zuen (Snuppy), eta gizakia klonatzearen meritua ere berea zela esan zuen. Science aldizkariak berria argitaratu zuen, baina zalantza handiak sortu zituen adituen artean. Korearraren lana aztertu, eta iruzurra zela ikusi zuten. Kontu hark luzerako hizketarako gaia eman zuen.
Noski, urte hauetan puri-purian egon da gizaklonazioaren gaia. Hasieran, zientzia-fikzioa zena gauzatzeko beldur agertu zen jendea. Baina denborarekin garbi ikusi da klonazioak ezer gutxi duela ikusteko zientzia-fikzioarekin.
Klonak ez dira klonatutako izakiaren berdin-berdinak. Genetikoki berdinak dira; baina, enbrioiaren garapenetik hasita, inguruneak eragin handia dauka izaki guztietan, eta, ondorioz, nahiz eta genetikoki berdinak izan, ez daude bi izaki berdin.
Dena dela, eta eztabaidak eztabaida eta beldurrak beldur, giza klonazioa debekatuta dago. Batzuek uste zuten haurrak izateko arazoak dituen jendeak klonazioa eskatuko zuela ugalketarako irtenbide gisa, baina ez da hala gertatu, ezta gutxiago ere. Hori bai, ikerketan klonazio terapeutikoa baimendua dago herri askotan. Gaixotasunak sendatzeko helburuarekin egindako klonazioa da hori, eta azken batean, Dolly klonatzeko erabili zuten teknika bera erabiltzen da. Beraz, klonazioa guztiz debekatua ere ez dago.
Horregatik, gaur egun eztabaida etiko nagusia ez da giza klonazioa bai ala ez. Auzia ez da argitu, baina eztabaidak eboluzionatu egin du, eta ahoz aho dabiltzan auziak klonazio terapeutikoarena eta zelula amena dira.

ILARGIRA METROA HARTUTA

Harrigarria badirudi ere, NASAk neurri-unitate anglosaxoiak erabiltzen ditu, hau da, miliak, hazbeteak, oinak, librak... Ez beti, hala ere, batzuetan sistema metrikoa ere erabiltzen baitu; areago, biak nahasita ere erabiltzen ditu hainbat misiotan. Hemendik aurrera, ordea, Ilargiko misioetan sistema metrikoa bakarrik erabiltzea erabaki du NASAk.

Izan ere, unitate-sistema biak nahasita erabiltzeak ondorio latzak ekar ditzake. Hori garbi gelditu zen, adibidez, Marteko orbitatzaile klimatikoa galdu zenean. Nonbait, neurriak nahasteagatik gertatu zen akatsa: propultsatzailea aktibatzeko informazioa eman zuen kontratistak unitateen sistema anglosaxoia erabili zuen, eta NASA, berriz, sistema metrikoan ari zen lanean.
NASAk hartu duen erabakiarekin, beraz, desagertu egingo da halako akatsak izateko arriskua, Ilargiarekin zerikusia duten misioetan behinik behin. Beste ondorio onuragarri batzuk ere ekarriko ditu, gainera. Esate baterako, ilargia helburu duten beste espazio-agentziekin elkarlanean aritzea erraztuko du.

Euskal diseinatzaileak

*Gehiago jakin nahi baduzu klikatu argazkian

SKUNK FUNK

Skunkfunk-ek gauzak garbi ditu. Ez dute artaldea jarraitzen une oro modak seinalatzen duen bidetik. Euskal diseinatzile hauen jantziak erabilera anitzekoak dira -pieza aldagarriak eta alderanzgarriak adibidez-. Eremu eta egoera ezberdinetara moldatzen dira jantziak eta diseinuek erosotasuna eta banakotasuna iradokitzen dute. Modara modu fresko eta funky batean hurbiltzen dira eta jarrera hau, mundu osoko kulturetan ardazten diren euren diseinu guztietan islatzen da.

Mikel Feijoo Elzo, Skunkfunk-eko sortzailea da eta bere helburu nagusia denboran zehar eta modan iraungo duten jantziak egitea da. Bezeroak eroso, ziur eta funky sentitu arazteko arropa apetatsua erabiliz. Ez dituzte modaren azken tendentziak jarraitzen ,diseinuak denboraren iragana garaitzeko eginak daudelako. Skunkfunk-en ez daude egun osoa pikuak biltzen. Ez lukete jantzien prezioa garestituko luketen iragarki kanpaina garestietan dirurik xahutuko. Bezeroen poltsikoetan beti uzten dute txanpona bueltan.

Guztia 1996. urtean hasi zen kamiseta bilduma batekin, ondorengo urteetan Skunkfunk markan bilakatuko ziren bildumak hain zuzen. 2000. urtetik aurrera eskaintza hazi egin da joera ezberdineko 300 jantzi pieza ezberdin izatera arte. Gaur egun, munduan zabalduta daukaten lantaldeko partaideek euren ideiak botatzen jarraitzen dute markak funk izaten jarrai dezan. Egun, Grezia, Errusia eta mendebaldeko Europako 700 denda baino gehiagotan topatuko dituzue eta laster , Zelanda Berrian, Kroazian, Australian edota Kanadan ere bai.

HILOBIAK MIATZEN, AUSTRALIAKO MISTERIOA ARGITU NAHIAN

Paleontologoek altxor bat topatu dute Australiaren hegoaldeko Nullabor lautadan: kareharrizko hiru kobazulotan, duela 800.000-400.000 urte bizi izan ziren animalien hezur fosilduak aurkitu dituzte. Asko gaur egun desagertuta dauden eta ezagutzen ez ziren espezieenak dira, eta denetarik dago, hasi animalia txiki-txikietatik eta hiru metroko erraldoira arte.

Kobazulo berean hainbeste animalia pilatzea ez da ohikoa, baina leku horretako geologia berezia da. Lautadaren erraietan kareharrizko kobazulo ugari daude ezkutatuta. Milaka urteko zikloetan, kobazulo horietarako sarrerak ireki eta itxi egiten dira, eta irekita daudenean, tranpa bat izaten dira inguruko animalientzat. Hala, animalia asko erori, pilatu eta fosildu dira hiru horien barruan.
Aurkikuntzak parerik gabeko aukera eman die ikertzaileei Australiako faunaren eboluzioa argitzeko. Izan ere, oraindik ez dakite zergatik desagertu zen Australiako megafauna duela 45.000 urte inguru.